..................Die Welt der Appenzeller..................

Appenzeller Witze

Das Dienstmädchen musste entlassen werden, weil es sich herausgestellt hatte, dass es lange Finger hatte. Es verlangte ein Arbeitszeugnis. Der Hausherr stellte ihm das Zeugnis aus, das folgendermassen lautete: "Fräulein ... diente vom 1. März bis 1. Oktober in unserem Haus als Magd. Sie ging uns über alles."

" Ein Spaziergänger nimmt eine Handvoll Heu und richt daran. Dann sagt er zum Bauern: "Hee, Sii, da Heu schtink e chli." Darauf meint der Bauer: "Eer mönd halt am Heu schmecke, nöd a de Finger."

"Du, wääscht au, woromm ass uffem Bundeshuus z Bärn e Kupple häd", fröget de Jock em Franz. "Nää, kä Aani", geed de Franz zor Antwort. Doo mänt de Jock: "Häscht denn du scho emool en Zirkus mitemene Flachtach gsäe?"

Berteli, eine Zweitklässlerin, kommt heim und fragt die Mutter: "Du Mueter, wa schafft au üsere Lehrer, er ischt jo de ganz Tag bi üüs?"

Ein Fremder kehrt in einem Landgasthof ein und bestellt einen Teller Suppe. Nach kurzer Zeit wird er bedient. Wie er zu essen anfängt, fängt der Bläss unter dem Tisch laut zu bellen an. "Du Büebli", fragt der Fremde, "woromm bellet de Hond uf ämool eso?". Der Kleine: "Jo wissid Eer, er häds äfach nöd gärn, wenn en andere uss simm Täller use frisst."

"Du Fredli", fröget de Karl, "wääscht au woromm ass bi de Bankgebäud öberal Gitter vor de Feeschter häd?" - "Kä Aani!" - "Jo da ischt äbe, as si d Lüüt, wo drinninne wärchid, si langsam draa gwöönid."

"Schinnts häd min Hond Eueri Schwigemueter is Bää pisse. Velangid Eer Schadenersatz?" - "Jo hetocht, im Gegetääl, i chauf Eu de Hond ab."

Amene Puur sini Buebe sönd gaaz motoreverrockt gsee. De Öltscht het en Auto, der Zweitöltscht enn Töff ond de fööfjöhrig Franzeli e Fuessvelo wele. De Vatter hat aber all di glich Usred: "Zeescht weet de Ladewage zallt." Em eene Tag gsiet de Franzeli wie hönder me Huus hönne de Gügeler uff ere Henne obe hocked. Do ischt er mit eme Stecke as hee groote on hett all grüeft. "Mach ass d abechooscht, du chascht au laufe, zeescht weet de Ladewage zallt."

De Chopfeschmedueli ischt im Gääserbehnli inne uff Sangalle abi gfahre. Well er imene Rauerabtääl inne gkhocked ischt, het er au ooschiniet sin himmeltruurige Kanaschter päckled. Bi de Statio Zwääbrogge ischt e Frau in gliiche Wage inicho, het sofot s Feeschter abegloo, gkhueschted wie letz ond de Ueli aagfahre, wenn er en Tschentlemen wär, wör er ufhöre bäckle. De Ueli het zrogg ggee, ond wenn sii e Tschentlemänin wär, so wär si in en Nichtraucher ini gkhocked. Die Frau ischt ab dem verrockt woode ond säät zom Ueli, wenn si sini Frau wär, gäbs em Gift. Do meent de Ueli: "Ond wenn i dinn Maa wär, so nähm is."

De Tokter ischt öbe de Chölcheblatz glaufe. Uff de Fredhofmuur obe hocked ase trüebselege de Totegreber. Er het de Tokter aagjoomered, es laufi di letscht Zitt eefach nütz. Doo säät de Tokter: "Wells du bischt, bsoogder denn uff de Friitig zwee."

"Minn andehalbjährige Brüeder", rüeft s'Meianneli. En Amtsmaa het möse em eeschte Augschte d'Red haa. Vorai ischt er amene Maa us em Volk go frooge, wie er mit so ener Red bi de Lüüt em beschte aachiem. Do säät de seb: "Wenns nüd waul chascht, machs choz, ond weenns waul chascht, no chözer." D'Katrii frooged am Jock: "Du, vo wem het doch öseri Meedl ehres bös Muul?" Do säät de Jock: "Vo deer am nüd, du hesch es no."

De Jock säät zom Bisch: "Du, i glob i bi alergisch uff Leder." - "Oms tuusigs Gottswile weromm?" frooged de Bisch. Do säät de Jock: "Wo n i hütte Moge im Bett inne verwached bi, ha n i d'Schue no aagcha, ond de Chopf hetts mer nooch versprengt."

De Jung het Mescht usgfüet. Doo ischt em s gaaz Fueder öbecheht. De Bueb het e schuuligs Gjömmer aagstimmt und all gad gsäät: "De Vatter wer mer au leiig tue, de Vatter wer mer au leiig tue." D'Lüüt, wo dezue choo sönd, froogid anem, wo denn de Vatter sei. Doo säät de Bueb: "Dronderonne."

De Vorbeter Fässler ischt mit eme Saag uff em Rogge em Obedoof zue. I Schwarzenegg omme frooged e so e wönderigi Bäsi am: "Alewis, ischt nebed gstoobe?" Uff das hee dröllt sich de Fässler mit dem Saag omm ond säät. "Jo, hescht globt i geng go husiere, du Chue?"

Em Hampedischt sim Chopf inne het nomme gäär als gstimmt. Emol ischt de Landamme uf Bsuech choo ond het gfroged. "Chenntscht mi, i bi de Landamme?" Doo säät de Hampedischt: "Grad e deweg hets bi meer au aagfange."